Artgerächti Haltig

Zu eusäre Besenbeiz ghört au es chlis, liebevoll gführts Tierparadies. Bi eus läbed Häsli, Änte, Hüehner, Geissä und griechischi Landschildchröte i artgrächter Haltig mit vill Platz, frischer Luft und täglichem Freilauf. Tier chönd sich frei bewege, scharre, grase, umelaufe und ihres natürliche Verhalte usläbe.

Es isch eus wichtig, dass eusi Tier es guets und artgrächts Läbe händ. Drum stöhnd ihne grosszügigi Usläuf, Rückzugsort und vill Platz zur Verfüegig. Mit vill Liebi, Geduld und Sorg werded sie täglich betreut.

Für Chind und Erwachseni isch das chline Paradies es bsunders Erlebnis. Während me im Marchhof - Beizli es feins Ässe oder es erfrischends Getränk gnüsst, chann me d’Tier beobachte und d’ruigi, naturnaachi Atmosphärä uf sich würkä lah. Es git immer öppis z’entdecke – vom gackernde Hüehnli über d’fröhliche Entä zu de neugierige Geissä, de gemütliche Häsli bis zu de faszinierende griechische Landschildchröte.