gmüetlich, urchig, ländlich

Herzlich Willkommä

Härzlich willkomme i de Besenbeiz Zweidle

Direkt am Bahnhof Zweidle, i ruiger und idyllischer Lag, ligt üsi gmüetlichi Besenbeiz – en Ort zum Verwiile, Gnüsse und Abschalte. Bi eus chönd ihr em Alltag entflüchte und e paar schöni Stund i familiärer Atmosphär verbringe.

Mir lege grosse Wert uf Qualität, Fröschi und Härzbluet. Drum wird bi eus alles sälber und mit vill Liebi gmacht. Vo hausgmachte Chueche und Dessert über saisonali Spezialitäte bis zu feine Znüni- und Zvieri-Angebot – bi eus chunnt nur uf de Tisch, was mir selber gärn hend.

Üsi Besenbeiz isch umgeh vo Natur und lädt zum Verwiile ii. Während d’Erwachsne es feins Ässe oder es Kaffi gnüsse, git’s für Chind und Tierfründ vill chlini Tierli zum Beobachte und Entdecke. D’ruigi Umgäbig macht de Ort bsunders beliebt bi Velofahrer, Spaziergänger, Familie und allne, wo eifach es gmüetlichs Plätzli sueched.

Dank de direkte Lag am Bahnhof Zweidle sind mir bequem mit em Zug erreichbar – ideal für en churze Halt oder en usgdehnte Bsuech im Zürcher Unterland.

Mir freued eus sehr, eu bi eus begrüesse z’dürfe und eu mit hausgmachte Köstlichkeite und herzlicher Gastfründschaft z’verwöhne.

Eusi Besenbeiz isch en reine Outdoor-Betrieb und nur bi schönem Wetter für eu offe.
Bi Räge, Sturm oder chüelem Wetter bliibt d’Besenbeiz gschlosse.